Шрифттин өлчөмү:
А-
А
А+
Түстөр:
А
А
А
Сүрөттөр:
Өчүрүү
Кадимки версия

Шаболотов Тажимамат Тайгараевич

Шаболотов Тажимамат Тайгараевич
Шаболотов Тажимамат Тайгараевич
Жогорку Кеңештин Аппарат жетекчисинин орун басары

Ош облусунун Өзгөн районунда туулган. Жогорку билимдүү. 1982-жылы К. И. Скрябин атындагы Кыргыз айыл чарба институтун артыкчылык менен аяктаган.

2006-жылы Кыргыз Республикасынын Тышкы иштер министрлигинин Дипломатиялык академиясын артыкчылык менен аяктаган.

2009-жылы Кыргыз Республикасынын Президентине караштуу Башкаруу академиясын бүтүргөн.

 

Эмгек ишмердиги:

1976–1977-жылдары – Ош облусунун Өзгөн районунун «Яссы» совхозунун жумушчусу.

1977–1982-жылдары – К. И. Скрябин атындагы Кыргыз айыл чарба институтунун студенти.

1982–1985-жылдары – К. И. Скрябин атындагы Кыргыз айыл чарба институтунун кафедрасынын ассистенти.

1985–1988-жылдары – Айыл чарбасын механизациялоо жана электрификациялоо институтунун күндүзгү бөлүмүнүн аспиранты (Челябинск ш.).

1988–1994-жылы – К. И. Скрябин атындагы Кыргыз айыл чарба институтунун ассистенти, кафедра башчысы, декандын орун басары.

1994–1997-жылдары – Кыргыз Республикасынын Өкмөтүнүн Аппаратынын уюштуруу инспектору, бөлүм башчысы, департамент жетекчиси.

1997–1999-жылдары – Жалал-Абад облусунун Ноокен районунун Мамлекеттик администрациясынын башчысы-акими.

2000–2001-жылдары – Жалал-Абад облусунун Мамлекеттик администрациясынын башчысынын орун басары.

2001–2002-жылдары – Кыргыз Республикасынын Айыл, суу чарба жана кайра иштетүү өнөр жай министринин орун басары.

2002–2004-жылдары – Ысык-Көл облусунун Балыкчы шаарынын мэри.

2004–2005-жылдары – Кыргыз Республикасынын Эл аралык интеграция жана кызматташуу иштери боюнча министри.

2005–2008-жылдары – Россия Федерациясындагы Кыргыз Республикасынын Тышкы иштер министрлигине караштуу Миграциялык кызмат департаментинин Өкүлчүлүгүнүн жетекчиси (Москва ш.), Кыргыз Республикасынын Миграция жана жумушка орноштуруу боюнча Мамлекеттик комитетинин Өкүлчүлүгүнүн жетекчиси (Москва ш.).

2009–2010-жылдары – Жалал-Абад облусунун Сузак районунун Мамлекеттик администрациясынын башчысы-акими.

2011-жылдан тартып – Кыргыз Республикасынын Жогорку Кеңешинин Аппаратынын Жетекчисинин орун басары.

Кыргыз Республикасынын II класстагы Мамлекеттик кеңешчиси.

Техника илимдеринин кандидаты, доцент. Саясат таануу илиминин доктору, профессор.

Мамлекеттик жана башка бир катар сыйлыктардын ээси.

Басуу