ЖАҢЫЛЫКТАР 13.01.20.

13-01-2020 09:05

Жарандардын ден соолугун тамекини керектөөнүн кесепетинен коргоо жөнүндө мыйзам долбоору боюнча парламенттик угуу өткөрүлдү. Мыйзам долбоору депутаттар тобу тарабынан даярдалган.

Абанын тазалыгын камсыздоонун бир жолу элге 3 фазалуу электр энергиясын жеткирип берүү. Бул жагы колдон келчү иш. Ошондуктан, көйгөй чечүүнүн инструменти өзүбүздө, - дейт депутат Кожобек Рыспаев парламенттин олтурумунда.

                          СНХ.К.РЫСПАЕВ

Депутат Акылбек Жапаров ички саясатты ким аныктайт, айрыкча экология жаатында? – дейт. Ошондой эле эл өкүлү электр энергетикасын колдонуунун күндүзгү, түнкү тарифтерин да карап көрүү керектегине токтолду.

                          СНХ.А.ЖАПАРОВ  

Экологиянын корголушу боюнча 2020 - жылдын жаз айларында атайын парламенттик угуу өткөрүү сунушун депутат Каныбек Иманалиев көтөрдү.

                          СНХ.К.ИМАНАЛИЕВ

Бишкек – Нарын – Торугарт автожолун курууда үнөмдөлгөн каражат Нарын областынын Ак – Талаа, Жалал – Абад областынын Тогуз – Торо райондоруна баруучу чоң жолдун боюндагы Нарын районунун Жерге – Тал айыл аймагы аркылуу өткөн жолдун курулушуна жумшалат. Бул боюнча тиешелүү банктар менен макулдашууларга жетишилди, - дейт депутат Алмазбек Акматов “Парламент” радиосуна курган маегинде.

                         СНХ.А.АКМАТОВ

                    АБА ЫРАЙЫ ТУУРАЛУУ

Бүгүн, 13-январда көпчүлүк аймактарында мезгил-мезгили менен кар жаайт. Чүй, Ош, Жалал-Абад, Баткен областтарынын айрым райондорунда кар калың түшөт. Жолдор тайгак тартып, тоңголок болот. Кар күрткүсү күтүлөт. Батыштан соккон шамалдын ылдамдыгы секундасына 4-9 метрден, айрым райондордо 15-20 метрге чейин жетет. Абанын температурасы: Чүй, Талас:-3…2; Ысык – Көл: -2...3 градуска чейин жылыйт. Ош, Жалал – Абад, Баткен: 0…5 градус жылуу болот. Нарын:-5…-10 градус суук болот. Бишкек шаарында бүгүн,  13 - январда мезгил-мезгили менен кар жаайт. Абанын температурасы 0...2 градус жылуу болот.                 

Көрүүлөрдүн саны : 73

Окшош жаңылыктар