ЖАҢЫЛЫКТАР 04.10.19.

04-10-2019 08:36

 

“Ата Мекен” фракциясынын бүгүн, 4 - октябрдагы жыйынында “Кыргыз Республикасынын Салык кодексине өзгөртүүлөрдү киргизүү жөнүндөгү”  жана  “Мамлекеттик сатып алуулар жөнүндөгү” мыйзамдардын өзгөртүүлөрү каралат. Өнөкөт бөйрөк жетишсиздиги менен ооругандар үчүн гемодиализ кызматын көрсөтүү тууралуу маселе да фракция жыйынынын талкуусуна чыгат.

Улут сыймыгы - «Манас» жана Айтматов делген менен Дүйнөлүк баалуулуктарды алып жүргөн манасчыларыбызга талаптагыдай кам көрүлбөй келет.  Манжа толбогон  манасчыбызды барктап алууга чамабыз чакталуубу? Мындай суроолорго депутат Улукбек Ормонов кайрылды.

                        СНХ.У.ОРМОНОВ

Башкы байлык ден соолук делген менен демди суутар жаман адаттар байлыктын ошол түрүн түнөртүп бара жатат. Бул учурдун далилине айланганы азап болду. Мына, менин колумда кооз таӊгакталган насвай турат. Индиядан контрабандалык жол менен алынып келиптир, акцизи жок, демек, көзөмөл дагы жок. Насвайдан жылына 6 миӊден ашуун адам каза табат, ушул дагы калктын ден-соолугуна көрүлгөн камкордукпу? – деген депутат Айнуру Алтыбаева болду.

                       СНХ.А.АЛТЫБАЕВА

Мугалимдердин эмгек акысы орто эсеп менен 30 пайызга көтөрүлгөнү жакшы жаңылык болду. Ошентсе да алардын турак - жай көйгөйүн чечүү жаатында  иш стажы жетиштүү болсо тоскоолдуктар жаралбашы керек. Бул тууралуу депутат Тазабек Икрамов Жогорку Кеӊеш жыйынында билдирди.

                      СНХ.Т.ИКРАМОВ

Билим берүү тармагындагы жетишкендиктердин бири катары депутат Айнура Осмонова, - союздун тушунда жогорку билимге ээ болгон мугалимдердин айлык акыларындагы айырмачылыктар жоюлгандыгын айтып, буларга токтолду.

                     СНХ.А.ОСМОНОВА

                 АБА ЫРАЙЫ ТУУРАЛУУ

Бүгүн, 4 - октябрда Ысык – Көл, Нарын областтарынын айрым аймактарында жаан жаап, тоолуу райондорго кар түшөт. Ош, Жалал-Абад, Баткен областтарынын тоолуу аймактарында жаан жаап, дыйканчылык аймактарында жана Чүй, Талас областтарында күн ачык болот. Батыштан соккон шамалдын ылдамдыгы секундасына 4 - 9 метрге чейин жетет. Абанын температурасы: Чүй:17...22, Талас:16...21, Ысык – Көл:14…19;  Ош, Жалал-Абад, Баткен: 18...23,  Нарын: 13…18 градус жылуу. Бишкек шаарында бүгүн, 4 – октябрда жаан жаабайт. Батыштан соккон шамалдын ылдамдыгы секундасына 4 - 9 метрге чейин жетет. Абанын температурасы 2022 градус жылуу болот.

Көрүүлөрдүн саны : 61

Окшош жаңылыктар