Жогорку Кеңештин Төрагасы Дастанбек Жумабековдун ыйык Орозо айынын башталышына карата куттуктоосу

17-05-2018 09:15

Урматтуу мекендештер!

Сиздерди Кыргыз Республикасынын Жогорку Кеңешинин атынан ыйык Орозо айынын башталышы менен куттуктайм.

Орозо айы мусулман калкы үчүн өзгөчө мааниге ээ. Ыйык айда таңдан күн батканга чейин тамак ичпей, эркти бекемдөө менен руханий жактан тазалануу максаты коюлган.  Андан тышкары, бул айда жакшы иштерди гана жасап, муктаждарга жардам берүү менен жабыркагандарга кайрымдуулук кылууну адатка айлантуубуз зарыл. 

Кымбаттуу кыргызстандыктар!

Ушул ыйык Орозо айынын башталышына байланыштуу баарыңыздарга сабырдуулук, ден-соолук жана руханий өсүп-өнүгүүнү каалайм!

 

Урматтоо менен,

Кыргыз Республикасынын

Жогорку Кеңешинин Төрагасы                                                                      Дастанбек Жумабеков

Көрүүлөрдүн саны : 510

Окшош жаңылыктар