Жогорку Кеӊештин бир катар депутаттары, Аппарат менен Иш башкармалыгынын кызматкерлери КМШ ПААнын сыйлыктары менен сыйланды

05-04-2017 16:06

Бүгүн, 5-апрелде Кыргыз Республикасынын Жогорку Кеӊешинин бир катар депутаттарына, Аппарат менен Иш башкармалыгынын кызматкерлерине Көз карандысыз мамлекеттер шериктештигинин Парламенттер аралык ассамблеясынын (КМШ ПАА) 25 жылдык маарекесине карата сыйлыктар тапшырылды. Сыйлыктарды Жогорку Кеӊештин Төрагасы Чыныбай Турсунбеков тапшырды.

Ошентип, КМШ ПААнын «Содружество» ордени менен депутат Азамат Арапбаев, КМШ ПААнын Ардак грамотасы менен депутат Динара Исаева, КР Президентинин Жогорку Кеӊештеги ыйгарым укуктуу өкүлү Молдакун Абдылдаев сыйданды.

«КМШ ПААга – 25 жыл» медалы менен депутаттар Нурланбек Макеев, Таабалды Тиллаев, Кожобек Рыспаев, Анвар Артыков, Экмат Байбакпаев, Акылбек Жапаров, Камчыбек Жолдошбаев, Тынчтыкбек Конушбаев, Наталья Никитенко, Алмазбек Токторов, ошондой эле Аппарат жетекчисинин милдетин аткаруучу Сүйүнбек Касмамбетов жана Аппараттын Эл аралык байланыш жана протокол бөлүмүнүн эксперти Аида Арыкбаева сыйланды.

Ал эми «КМШ ПААга – 25 жыл» эстелик белгиси менен депутаттар Алтынай Өмүрбекова, Марат Аманкулов, Асель Кодуранова, Гүлкан Молдобекова, Айтмамат Назаров, Алмасбек Акматов, Салайдин Айдаров, Карамат Орозова, Абдыкапар Султанов, Жыргалбек Турускулов жана Иш башкармалыгынын Социалдык-протоколдук камсыздоо бөлүмүнүн башкы адиси Кубандык Жусупов сыйланды.

КР ЖК Басма сөз кызматы

Көрүүлөрдүн саны : 1078

Окшош жаңылыктар