Депутат Искендер Матраимов кар көчкүдөн каза болгон жарандын жакындарына жардам кылды

21-02-2017 15:45

Жогорку Кенештин депутаты Искендер Матраимов (КСДП фракциясы) Кожолеӊ айылында кар көчкүдөн каза болгон жарандын жакындарына барып, өз фракциялаштарынын атынан көӊүл айтуу менен, материалдык жардам көрсөттү. Депутат менен бирге барган Ош облустук администрациясы менен Кара-Суу районунун акимчилигинин жетекчилери да кооптуу аймакта жашап жаткан жергиликтүү тургундардын абалын сурап, материалдык жардам берди.

20-февралда Кара-Суу районунун Кожокелен айылында кар көчкү жүрүп, анын кесепетинен Угулай Хашимова деген 20 жаштагы келин каза болуп, артында 6 айлык кызы калган. Ушу тапта кырсык болгон жерде Өзгөчө кырдаалдар министрлигинин техникасы тазалоо иштерин жүргүзүүдө. Папан айыл өкмөтүнүн милиция кызматкерлери да жергиликтүү калк менен иш алпарууда.

Жергиликтүү бийлик өкүлдөрү маалымдагандай, Кожокелеӊде 15 үй-бүлөнү башка жерге көчүрүү зарылдыгы бар. «Учурда аларга коопсуз аймактан жер тилкеси изделип жатат», - деди Папан айыл өкмөтүнүн башчысы Эрматбек Исмаилов.

КР ЖК Басма сөз кызматы

Көрүүлөрдүн саны : 1171

Окшош жаңылыктар