Жогорку Кеңеш бүгүн, 9-марттагы жыйынын “Ар кандай маселелер” сааты менен баштайт.  “Кыргыз Республикасынын Баткен, Жалал-Абад, Ош жана Ысык-Көл облустарынын айрым калктуу конуштарын айыл категориясына киргизүү жөнүндөгү” мыйзам долбоору үчүнчү окууда каралат. “Баа түзүү жөнүндө” мыйзамдын долбоору да 3-окууда талданмакчы. Бул багытта “Парламент” радиосуна маалымат берген   КР Экономика жана коммерция министрлигинин алдындагы Монополияга каршы жөнгө салуу кызматынын төрагасы Кеңешбай Тайлаков,-“Эгерде өлкө ичинде баалардын жогорулоосу бир ай ичинде 20%дан жогорулап кетсе, мамлекеттик жөнгө салуу иштери жүргүзүлөт”, - деп билдирди.

                        СНХ.К.ТАЙЛАКОВ

“Кыргыз Республикасынын айрым мыйзам актыларына  тактай келгенде, “Ысык-Көл” экологиялык-экономикалык тутумун туруктуу өнүктүрүү жөнүндө”, “Күрөө жөнүндө” мыйзамдарга сунушталган өзгөртүүлөр да  парламентин бүгүнкү отурумунда талкууланат. Аталган мыйзам долбоору аркылуу чет өлкөлүк капиталы бар эл аралык банктар кардарлардын күрөөгө койгон мүлкүн 2 жылдан ашык кармап тура албайт. Бул негиздеги финансылык-насыялык мекемелердин рекреация объекттерин убактылуу ээлөө укуктары жөнгө салынып жатат, - дейт депутат Акбөкөн Таштанбеков “Парламент” радиосуна төмөндөгүчө түшүндүрмө берип:

                         СНХ.А.ТАШТАНБЕКОВ

Жол куруу иштеринде алынган насыяларды жабууга келгенде иш ырааты кандай экендигин тактаган депутат Исхак Масалиев 1 км жол наркы канча тураарын сурап, 10-15 жыл мурда курулган жолдор кайсы булактын каражатына оңдолуп-түзөлүп жаткандыгына кызыкты.

                          СНХ.И.МАСАЛИЕВ

Жол куруу иштериндеги тегерек стол жыйындарын өткөрүүдө тармактык министрлик четте карап турбоосу керек, - деген депутат Бактыбек Сыдыков, -“Кандай гана жол куруу болбосун, андагы башкы подрядчы кыргыз тарап болсун. Бул жагын эске алуу зарыл”, - деп сунуштады.

                          СНХ.Б.СЫДЫКОВ

                      АБА ЫРАЙЫ ТУУРАЛУУ                

Бүгүн, 9-мартта Ош, Баткен, Нарын областтарында жаан, Чүй, Талас, Жалал-Абад, Ысык-Көл областтарынын тоолуу райондорунда күн ачык болот. Батыштан соккон шамалдын ылдамдыгы секундасына 4-9, Ысык-Көлдүн акваториясында 15-20 метрге чейин жетет. Абанын температурасы Чүй, Талас:+11...+16, Ош, Жалал-Абад, Баткен:+16...+21, Ысык-Көл:+9...+14 градус жылуу болот. Нарын:-1...+4 градуска чейин жылыйт. Бишкек шаарында бүгүн, 9-мартта жаан жаабайт. Батыштан соккон шамалдын ылдамдыгы секундасына 4-9 метрге чейин жетет. Абанын температурасы +13...+15 градус жылуу болот.