ЖАҢЫЛЫКТАР 03. 03.23.

Бүгүн, 3-марттагы жыйынында “Элдик” депутаттык  тобу Кыргыз Республикасынын Транспорт жана коммуникациялар министрлиги тарабынан республиканын автоунаа жолдорун куруу жана оңдоо боюнча көрүлүп жаткан чараларды карайт. Ошондой эле Кыргыз Республикасынын жарандык авиациясынын учурдагы абалы жана өнүгүү келечеги тууралуу маселеге да көңүл бурмакчы.

Депутат Сүйүнбек Өмүрзаков азык түлүк коопсуздугу тууралуу сөз кылып, тиешелүү мекемелер тамак-аштын сапаты боюнча маалымат берип турушу керектигин талап кылды. Болбосо, сырттан келип жаткан эт азыктарынын сапатында зыяндуу антибиотиктердин өлчөмү көп деген маалыматтар тарап жатат, - деди эл өкүлү.

                            СНХ. С.ӨМҮРЗАКОВ

Акыркы жылдары өзгөчө кыз-келиндер арасында электрондук тамеки чеккендердин саны көбөйүп жаткандыгын айткан депутат Шаирбек Ташиев, - Кытайдан келип жаткан электрондук чылымдарга тыюу салынбаса, саламаттык маселеси оорлогондон-оорлой берет, - деп тынчсызданды.

                           СНХ.Ш.ТАШИЕВ

Электрондук тамекиге көз карандылыктан арылуу зарылдыгын уланткан депутат Шарапаткан Мажитова коомчулуктан бул багыттагы пикирлери менен да тааныштырды.

                           СНХ.Ш.МАЖИТОВА

Фермерлерден алынып жаткан сүттөрдүн баасы бааланбай жатканын айткан депутат Эльдар Сулайманов, - бирок дүкөндөрдөгү сүт азыктарынын кымбат сатылып жатканына ким жооп берерин тактады.

                           СНХ.Э.СУЛАЙМАНОВ

                         АБА ЫРАЙЫ ТУУРАЛУУ

Бүгүн, 3-мартта өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9, ал эми Чүй жана Талас областтарындагы шамалдын күчү 15-20 метрге чейин жетет. Абанын температурасы Чүй, Ош, Жалал-Абад, Баткен:+15...+20, Талас:+14...+19, Ысык-Көл:+6...+11 градус жылуу болот. Нарын:0...-5 градус суук. Бишкек шаарында бүгүн, 3-мартта жаан жаабайт. Батыштан соккон шамалдын ылдамдыгы секундасына 4-9, айрым учурда 14 метрге чейин жетет. Абанын температурасы +18...+20 градус жылуу болот.