ЖАҢЫЛЫКТАР 20.02.23.

“Кыргыз Республикасынын улуттук архив фонду жөнүндөгү” мыйзамга сунушталган өзгөртүүлөр Социалдык саясат боюнча комитеттин бүгүнкү, 20-февралдагы жыйынында талкууланат. Түркия Республикасынын ооруканаларына бейтаптарды жөнөтүү үчүн тандоо боюнча ведомстволор аралык комиссиянын курамына талапкерди көрсөтүү жөнүндөгү маселе да талкуу объектисине алынмакчы.

Эл аралык иштер, коргоо, коопсуздук жана миграция боюнча комитетинин бүгүнкү, 20-февралдагы жыйынында Кыргыз Республикасынын Тышкы иштер министрлигинин 2022-жылдагы иши жөнүндө маалымат угулат.   Бир нече ратификациялык мыйзам долбоорлору менен катар эле 2023-жылга карата Кыргыз Республикасынын Жогорку Кеңешинин эл аралык жана парламенттер аралык кызматташуунун план долбоору каралмакчы.

Айыл чарба өсүмдүктөрүнүн жаңы сортторунун үрөндөрүн өндүрүү, малдын жаңы породаларын өстүрүү боюнча жүргүзүлүп жаткан иштерге кызыккан депутат Мейкинбек Абдалиев бул багытта Айыл чарба министрлигине жолдогон суроосуна жооп алды.

                            СНХ.М.АБДАЛИЕВ

Быйылкы жылда пахта жана тамеки себүү боюнча кандай пландар белгиленип жаткандыгын депутат Алишер Козуев тактады.

                            СНХ.А.КОЗУЕВ

Дыйкандар өндүргөн пияздар сыртка чыкпай, бөйдө чирип жок болбосун. Мындай маселени кылдат кароо талабын койгон депутат Шайлообек Атазов Айыл чарба министрлигинин стратегиялык пландарына кызыкты.

                           СНХ.Ш.АТАЗОВ

“Айыл чарба министрлиги тарабынан стратегиялык план түзүлбөгөндүктөн, дыйкандарыбыз жыл сайын “сюрприздерди” күтүшүүдө. Агроөнөр жай тармагын өнүктүрүүнүн жана айыл чарба өндүрүүчүлөрүн колдоонун узак мөөнөттүү методологиясын иштеп чыгуу зарыл”, - деди депутат Марлен Маматалиев. 

                        СНХ. М.МАМАТАЛИЕВ                    

                       АБА ЫРАЙЫ ТУУРАЛУУ

Бүгүн, 20-февралда өлкө аймагында жаан-чачын күтүлбөйт. Жолдор тоңголок тартып, тайгак. Багыты өзгөрмөлүү шамалдын ылдамдыгы секундасына 1-6 метрге чейин жетет. Абанын температурасы Чүй:+4...+9, Ош, Жалал-Абад, Баткен:+6...+11, Ысык-Көл, Талас:+3...+8 градус жылуу болот. Нарын:-3...+2 градуска чейин жылыйт. Бишкек шаарында бүгүн, 20-февралда жаан жаабайт. Багыты өзгөрмөлүү шамалдын ылдамдыгы секундасына 1-6 метрге чейин жетет. Абанын температурасы +7...+9 градус жылуу болот.