ЖАҢЫЛЫКТАР 17.02.23.

Депутат Нурбек Алимбеков айыл чарба тармагына кайрылып, жайыттардын деградацияга учурап жаткандыгын белгиледи. Алыскы жана жакынкы жайыттардын колдонулушу боюнча маселе көтөрүп, жайыттарга чачыла турган үрөндөрдүн көлөмү көзөмөлдөбү? - деген суроо койду.

                               СНХ. Н.АЛИМБЕКОВ

Депутат Чынгыз Ажибаев Жогорку Кеңештин кечээки жыйында Баткен областында курулуп жаткан үйлөрдүн аянтына кызыкты. "Трансформация иштери болбогон соң, 103 чарчы метр келген үй ичинде 16 кишинин жашап жатканы жакшыбы?" - деп Министрлер Кабинетинин өкүлдөрүнө суроо жолдоду.

                             СНХ.Ч.АЖИБАЕВ

Бийик тоолуу райондордун калкына каралган айлык акы 10-50%га чейин айырмаланат. Демек, бул негизде түзүлгөн тоолуу райондордун тизмесине кирген айылдар тыкыр иликтенет. Мындай маалыматтар депутат Бактыбек Чойбеков койгон суроого жооп иретинде кайтарылды. Эл өкүлү ошол эле мезгилде Талас областындагы Көпүрө-Базар айылы деңиз деңгээлинен канча метр бийик тургандыгын аныктоо үчүн картографтар иш алып барып жаткандыгын билдирди.

                            СНХ.Б.ЧОЙБЕКОВ                        

                     АБА ЫРАЙЫ ТУУРАЛУУ

Бүгүн, 17-февралда Чүй, Талас, Ош, Жалал-Абад, Баткен областтарында туман каптап, жаан аралаш кар жаайт. Жолдор тоңголок тартып, тайгак. Батыштан соккон шамалдын ылдамдыгы секундасына 4-9 метрге чейин жетет. Абанын температурасы Чүй, Ош, Жалал-Абад, Баткен:+4...+9, Талас:+2...+7, Ысык-Көл:+3...+8 градус жылуу болот. Нарын:-4...+1 градуска чейин жылыйт. Бишкек шаарында бүгүн, 17-февралда жаан аралаш кар жаайт. Батыштан соккон шамалдын ылдамдыгы секундасына 4-9 метрге чейин жетет. Абанын температурасы +6...+8 градус жылуу болот.