ЖАҢЫЛЫКТАР 02.02.23.

Жогорку Кеңештин бүгүнкү, 2-февралдагы жыйыны адаттагыдай эле “Ар кандай маселелер” саатынан башталат. “Калкты иш менен камсыз кылууга көмөктөшүү жөнүндөгү” мыйзамдын өзгөртүүлөрү үчүнчү окууда каралат. “Кооперативдер жөнүндөгү”  мыйзамдын өзгөртүүлөрү да бүгүнкү жыйындын күн тартибинде.  “Кыргыз Республикасынын улуттук архив фонду жөнүндөгү” мыйзамга сунушталып жаткан өзгөртүүлɵр экинчи окууга чыгарылат.  “Кыргыз Республикасынын Эсептөө палатасы жөнүндөгү” конституциялык Мыйзамдын долбоору биринчи окууда талкууланмакчы. 

Парламенттин кечээки, 1-февралдагы жыйынында медициналык буюмдар менен медициналык техникаларды жүгүртүүнүн бирдиктүү принциптери жана эрежелери жөнүндөгү ратификациялык мыйзам долбоорун экинчи окууда карап, жактырды. Талкууда депутаттар тарабынан  гемодиализ аппаратынын наркы канча турары такталды. Бул суроонун аныгын билип, ар бир регионго жеткиликтүү болгондой борборлорду уюштурууга качан жетишилет? – деген депутат Кундузбек Сулайманов, - Токтогул районунда ушундай борбордун пайдубалы курулуп, ошол бойдон ара жолдо тургандыгын билдирди.

                             СНХ.К.СУЛАЙМАНОВ

Депутат Султанбай Айжигитов Баткен областында да гемодиализ борборун ачуу сунушун айтып, бул андагы элдин бирден-бир талабы экендигин белгиледи.

                            СНХ.С.АЙЖИГИТОВ

Региондордогу медициналык мекемелердин абалы олуттуу көңүл бурууну талап кылат. Андагы адистердин кесипкөйлүгү жогору болгону менен, алардын медициналык жабдыктарга болгон муктаждыгы көп мүмкүнчүлүктөргө тоскоолдук жаратууда. Мындай пикирин Жогорку Кеңеш депутаты, “Ишеним” фракциясынын лидеринин орун басары Русланбек Жакышов “Парламент” радиосуна курган маегинде билдирди.

                           СНХ.Р.ЖАКЫШОВ

                     АБА ЫРАЙЫ ТУУРАЛУУ

Бүгүн, 2-февралда  Жалал-Абад, Баткен областтарынын көпчүлүк, Чүй, Талас, Ош, Ысык-Көл, Нарын областттарынын айрым райондорунда кар аралаш жаан жаайт. Жолдор тоңголок тартып, тайгак болот. Батыштан соккон шамалдын ылдамдыгы секундасына 4-9 метрге чейин жетет. Абанын температурасы Чүй, Ош, Жалал-Абад, Баткен:+5...+10, Ысык-Көл:+1...+6, Талас:+4...+9 градус жылуу. Нарын:-1...-6 градус суук болот. Бишкек шаарында бүгүн, 2-февралда түштөн кийин жаан аралаш кар жаайт. Батыштан соккон шамалдын ылдамдыгы секундасына 4-9 метрге чейин жетет. Абанын температурасы +8...+10 градус жылуу болот.