Түз
эфир
Бүгүнкү, 16 – январдагы жыйынында Агрардык саясат, суу ресурстары, экология жана регионалдык өнүктүрүү боюнча комитет “Эл аралык стандарттардын бардык талаптарын сактоо менен таза кандуу жана асыл тукум жылкыларды каттоо (эл аралык сертификаттоо) жана эсепке алуу тутумун ишке киргизүү жөнүндөгү” Жогорку Кеӊештин 2021-жылдын 16-июнундагы токтомунун аткарылышын көзөмөлдөн алуу маселесин карайт. Ошондой эле суу системасын жакшыртуу багытындагы ратификациялык мыйзам долбооруна да көңүл бурулмакчы.
Социалдык саясат боюнча комитетинин бүгүнкү, 16-январдагы отурумунда “Кыргыз Республикасындагы улгайган жарандар жөнүндөгү” мыйзамдын өзгөртүүлөрү үчүнчү окууда каралат. Ошондой эле Кыргыз Республикасынын саламаттык сактоо, билим берүү, маданият жана спорт уюмдарына мурда тиешелүү болгон, мыйзамсыз ижарага алынган жана менчиктештирилип кеткен жер участокторун, имараттарын, орун жайларын жана курулмаларын кайтаруу боюнча Кыргыз Республикасынын Министрлер Кабинетинин иши жөнүндө” Кыргыз Республикасынын Жогорку Кеңешинин токтомунун долбоору да талкууга чыгарылат.
Европа чөлкөмүнө товар ташыган жеке ишкерлерди колдоого чакырган депутат Айбек Осмонов, - алар үчүн керектүү шарттарды түзүү зарылчылыгына токтолду.
СНХ.А.ОСМОНОВ
Суусамыр айылынын дыйкандары менен жолугушкандагы айтылган маселелерге токтолгон депутат Нурланбек Азыгалиев, - “Аталган өрөөнгө эгилген арпанын айрым сорттору былтыр түшүм бербей, көпчүлүк дыйкандар зыянга учураган. Бул боюнча атайын комиссия чакырылып, үрөн сапатсыз экени аныкталган. Бул тууралуу түзүлгөн актылар бар. Бирок негизги бир бөлүгү боюнча гана компенсация төлөнүп, калган чыгым азыркыга чейин жабылбай келе жатат. Андыктан маселени иликтеп, дыйкандарга көмөк көрсөтүү зарыл”, – деди.
СНХ. Н.АЗЫГАЛИЕВ
Депутат Таалайбек Масабиров «Ак-Кула» ипподромун реконструкциялоо иштери 5 жылдан бери чечилбей келе жатканын айтып, ошол эле учурда аталган объектти оңдоп-түзөө жумуштары маданияттын жана улуттук ат оюндарынын өнүгүшүнө чоң салым кошоорун белгиледи.
СНХ.Т.МАСАБИРОВ
Бишкек шаарындагы айрым конуштар менен кээ бир көчөлөр таштандылардан тазаланбай калууда. Жумалап жыйналбай жаткан жагдай боюнча жоопкер тарап табылабы? –деген суроону депутат Эльвира Сурабалдиева парламент отурумунда айтып чыкты.
СНХ.Э.СУРАБАЛДИЕВА
АБА ЫРАЙЫ ТУУРАЛУУ
Бүгүн, 16-январда Ысык-Көл областында кар жаайт. Калган башка аймактарда күн ачык болот. Жолдор тоңголок тартып, тайгак болот. Багыты өзгөрмөлүү шамалдын ылдамдыгы секундасына 4-9 метрге чейин жетет. Абанын температурасы Чүй, Талас:-11...-16, Ысык-Көл, Ош, Жалал-Абад, Баткен:-9...-14, Нарын:-13...-18 градус суук болот. Бишкек шаарында бүгүн, 16-январда кар жаабайт. Багыты өзгөрмөлүү шамалдын ылдамдыгы секундасына 1-6 метрге чейин жетет. Абанын температурасы -12...-14 градус суук болот.
Жогорку Кеңештин бүгүнкү, 16-марттагы жыйынында “Кыргыз Республикасынын салык салуу чөйрөсүндөгү айрым мыйзам актыларына сунушталган өзгөртүүлөрдү киргизүү жөнүндөгү” мыйзамдын бириктирилген долбоору экинчи окууда каралат. Эми ушул аталган жана башка кабарлардын толук баяндамасы алдыдагы шилтемеде
Толук окуу...Парламенттин бүгүн, 15-мартта өтүүчү жыйынында “Кыргыз Республикасынын улуттук архив фонду жөнүндөгү” мыйзам долбоору үчүнчү окууда каралат. “Качкындар жөнүндөгү” мыйзамдын өзгөртүүлөрүнө да көңүл бурулат. Эми ушул аталган жана башка кабарлардын толук баяндамасы алдыдагы шилтемеде
Толук окуу...Бүгүн, 14-марттагы жыйынында Конституциялык мыйзамдар, мамлекеттик түзүлүш, сот укук маселелери жана Жогорку Кеңештин Регламенти боюнча комитет “Кыргыз Республикасынын Жогорку Кеңеши тарабынан контролдук иш-милдеттерди жүзөгө ашыруунун тартиби жөнүндөгү” мыйзамдын өзгөртүүлөрүн үчүнчү окууда карайт. Эми ушул аталган жана башка кабарлардын толук баяндамасы алдыдагы шилтемеде
Толук окуу...Бүгүн, 13-марттагы жыйынында Агрардык саясат, суу ресурстары, экология жана регионалдык өнүктүрүү боюнча комитет “Кыргыз Республикасынын азык-түлүк коопсуздугу жөнүндөгү” мыйзамга сунушталган өзгөртүүлөрдү карайт. Эми ушул аталган жана башка кабарлардын толук баяндамасы алдыдагы шилтемеде
Толук окуу...Конституциялык сотто Жогорку Кеңештин өкүлчүлүгү ачылып, туруктуу өкүл аркылуу иш ирети жакшырат. Эми ушул аталган жана башка кабарлардын толук баяндамасы алдыдагы шилтемеде
Толук окуу...Жогорку Кеңеш бүгүн, 9-марттагы жыйынын “Ар кандай маселелер” сааты менен баштайт. “Кыргыз Республикасынын Баткен, Жалал-Абад, Ош жана Ысык-Көл облустарынын айрым калктуу конуштарын айыл категориясына киргизүү жөнүндөгү” мыйзам долбоору үчүнчү окууда каралат. Эми ушул аталган жана башка кабарлардын толук баяндамасы алдыдагы шилтемеде
Толук окуу...
