ЖАҢЫЛЫКТАР 25.03.21.

25-03-2021 09:02

Жогорку Кеңештин бүгүн, 25 – марттагы жыйыны “Ар кандай маселелер” саатынан башталат.  Кыргыз Республикасынын айрым мыйзам актыларынын алкагында Салыктык эмес кирешелер жөнүндө Кодекске, “Мамлеккеттик сатып алуулар жөнүндөгү” мыйзамга сунушталып жаткан  өзгөртүүлөр экинчи окууда каралат. Депутаттар Г.Асылбаева, С.Айдаров, А.Абжалиев тарабынан  демилгеленип жаткан “Баалоо ишмердиги жөнүндөгү” мыйзам долбоору  экинчи окууга чыгарылат.  

“Жаныбарларды жана жаныбарлардан алынган азыктарды идентификациялоо жөнүндөгү” мыйзамдын аткарылышы тууралуу  Кыргыз Республикасынын Өкмөтүнө караштуу Ветеринардык жана фитосанитардык коопсуздук боюнча мамлекеттик инспекциясынын маалыматы  да бүгүнкү парламент отурумунда угулат.  “Бишкек шаарында абанын булганышынын деңгээлин төмөндөтүү боюнча чаралар жөнүндө” Жогорку Кеӊеш токтомунун аткарылышына да талдоо жүргүзүлөт.  

Депутаттык корпусту жаңыдан толуктап, “Бир - Бол” партиясынын тизмеси боюнча мурдагы парламентарий Алмазбек Акматовдун ордуна келген Айбек  Осмонов Жогорку Кеңештин кечээки, 24-марттагы жыйынында ант берип,  эл өкүлү катары расмий ыйгарым укуктарын аткарууга киришти.

                             СНХ.А.ОСМОНОВ

"Укук бузуулардын алдын алуунун негиздери жөнүндөгү" мыйзам долбоору парламенттин кечээки жыйынында үчүнчү окууда кабыл алынды. Бул багытта баяндама жасаган Укук тартиби, кылмыштуулук менен күрөшүү жана коррупцияга каршы аракеттенүү боюнча комитеттин төрайымы Наталья Никитенко мыйзам долбоору укук бузуулардын алдын алуу чөйрөсүндө келип чыгуучу коомдук мамилелерди жөнгө салууга багытталганын белгиледи.

                             СНХ.Н.НИКИТЕНКО

Үй-бүлөлүк зордук-зомбулуктун алдын -алуу багытында Ички иштер министрлиги кандай чараларды көрүп жатканына депутат Айсулуу Мамашова кызыкты.

                             СНХ.А.МАМАШЕВА

                           АБА ЫРАЙЫ ТУУРАЛУУ

Бүгүн, 25 – мартта Талас, Ош, Жалал-Абад, Баткен областтарынын кээ бир райондорунда жаан, Чүй областынын тоолуу аймактарында кар жаайт. Ысык-Көл, Нарын областтарында күн ачык болот. Түштүк-чыгыш тараптан соккон шамалдын ылдамдыгы секундасына 5 – 10, кээ бир райондордо 15 - 20 метрге чейин жетет. Абанын температурасы Чүй, Ош, Баткен, Жалал-Абад:+ 21…+26; Талас:+ 20…+25; Ысык-Көл, Нарын: +10…+15 градус жылуу болот. Бишкек шаарында бүгүн, 25 - мартта жаан жаабайт. Абанын температурасы +24…+26 градус жылуу болот.

Көрүүлөрдүн саны : 147

Окшош жаңылыктар