Отун-энергетикалык комплекс жана жер казынасын пайдалануу боюнча комитети

Султанов Абдыкапар Маданбекович

Комитеттин мүчөсү

Телефон: 0312 63-86-80

1958–жылдын 7-октябрында Ош облусунун Ленин районундагы Шайдан айылында туулган.

Жогорку билимдүү. 1978-жылы Майлы-Сай шаарындагы техникалык училищаны артыкчылык диплому менен аяктаган. 1983–жылы Фрунзе шаарындагы Политехникалык институтун тоо инженер механиги адистиги боюнча бүтүргөн.

Эмгек жолун 1983-1998 - жылга чейин, Жалал-Абад облусуна караштуу Көк-Жаңгак шаарында “Көк-Жаңгак” шахтасында электрослесарь кызматынан баштап, ушул эле шахтынын директоруна чейин кызмат өтөгөн. 1998-2015–жылга “Тегене” ЖЧКсынын директору болуп ищтеген.

1987-1989–жылдарында, 1992-1994-жылдары эки чакырылышта Көк-Жаңгак шаардык кеңешинин депутаты.

2008-2012-жылга чейин Таш-Көмүр шаардык кеңешинин депутаты. 1999–жылы Кыргыз Республикасынын Президентинин Жарлыгы менен “Кыргыз Республикасынын өнөр жай тармагына эмгек сиңирген кызматкери” деген ардактуу наам ыйгарылган.

2013-жылы “Ак-Жүрөк” лауреат сыйлыгын, ошондой эле Таш-Көмүр шаарынын жана Аксы районунун “Ардактуу аттуулу” деген наамдардын ээси.

2015-жылдын 4–октябырында “Өнүгүү-Прогресс” саясий партиясынын тизмеси боюнча VI – чакырылыштагы Кыргыз Республикасынын Жогорку Кеңешинин депутаттыгына шайланган.

Үй бүлөлүү, алты баланын атасы.