Өмүрбаяны

1957-жылдын 12-мартында Чүй облусунун Аламүдүн районунун Горная Маевка айылында туулган.

Жогорку билимдүү. 1980-жылы Фрунзе политехникалык институтун инженер-механик адистиги боюнча бүтүргөн. 1989-1990-жылдары Алма-Атадагы (Казакстан) Жогорку партиялык мектепте угуучусу болгон.

Эмгек жолун 1976-жылы Кыргыз ССРинин Илимдер академиясында лаборант болуп иштөө менен баштаган.

1978-1980-жылдары Фрунзе шаардык транспорттук агенттикте диспетчер болуп иштеген.

1980-1981-жылдары Комсомолдун Кант райкомунда инструктордун милдетин аткаруучу кызматын аткарган.

1981-1984-жылдары Фрунзе шаарындагы №3 автопаркта автоколоннанын башчысы болгон.

1984-1986-жылдары ЛКЖБ БКда инструктор;

1986-1989- жылдары Партиянын Фрунзе шаарындагы Свердлов райкомунда инструктор;

1991-1994-жылдары КР Вице-президентинин, Биринчи вице-премьер-министринин жардамчысы;

1994-1998-жылдары КР Башкы транспорттук инспектору;

1998-2005-жылдары КР Темир жол башкармалыгынын башчысы;

1995-2007-жылдары I,II,III чакырылыштагы Кыргыз Республикасынын Жогорку Кеңешинин депутаты.

2007-2010-жылдары Кыргызстан социал-демократтар партиясынын (КСДП) тизмеси боюнча IV чакырылыштагы КР Жогорку Кеңешинин депутаты болуп шайланган. 2008-жылдан Бириккен эл кыймылынын (БЭК) саясий бюросунун мүчөсү.

2010-жылдын апрелинен 2011-жылдын февралына чейин Бишкек шаарынын мэринин убактылуу милдетин аткаруучу;

2011-жылдын февралынан 2013-жылдын 5-декабрына чейин Бишкек шаарынын мэри;

2015-жылдын 4-октябрында Кыргызстан социал-демократтар партиясынын (КСДП) тизмеси боюнча VI чакырылыштагы КР Жогорку Кеңешинин депутаты болуп шайланган. Жогорку Кеңештин Транспорт, коммуникациялар, архитектура жана курулуш боюнча комитетинин төрагасы.

Үй-бүлөлүү, үч баласы бар.

II класстагы мамлекеттик кеңешчи.

“Ардактуу темир жолчу” ведомстволук белгиси менен сыйланган.

2011-жылдын 1-декабрында КР Президентинин Жарлыгы менен “Коррупциялашкан, элге каршы режимди кулатууда 2010-жылдын 6-7-апрелиндеги окуяларда өзгөчө эмгек сиңиргендигин таануу белгисинде” “Апрель элдик революциясынын баатыры” атайын төш белгиси менен сыйланган