Сулайманов Алтынбек Турдубаевич

"Бир Бол" парламенттик фракциясы

Телефон : 0312 63-91-94

1972-жылдын 24-сентябрында Ош областынын Ноокат районундагы Шанкол айылында туулган.

Жогорку билимдүү. М. Адышев атындагы Ош технологиялык университетинин экономика факультетин жана Жусуп Баласагын атындагы Кыргыз улуттук университетинин юридикалык факультетин бүтүргөн, 2018 – жылы Кыргыз Республикасынын Тышкы иштер министрлигине караштуу Дипломатиялык академияны бүтүрүп, «Эл аралык мамилелер» адистигине ээ болгон.

А.Сулайманов эмгек жолун 1989-жылы Ош облусунун Ноокат районундагы “Ленинизм” колхозунда жумушчу болуп иштөө менен баштаган.

1992-жылдан 1997-жылга чейин Ош облусунун Ноокат районундагы “Шанкол” колхозунда жумушчу болуп эмгектенген.

1997-1999-жылдары “Монолит-Ош” ишканасынын филиалында инспектор болуп иштеген. Ал эми 1999-жылы “Алтын Темир” корпорациясынын директорунун орун басары кызмат ордуна дайындалган. 2001-жылдын май айынан сентябрь айына чейин “Темир” мамлекеттик ишканасынын Ош облусу боюнча өкүлчүлүгүнүн башкы инспектору болуп эмгектенген.

2001-2007-жылдары “Темир” мамлекеттик ишканасынын Баткен облусу боюнча өкүлчүлүгүнүн директору.

2007-2010-жылдары Кыргыз Республикасынын Жогорку Кеңешинин IV чакырылыштагы депутаты, Кыргыз Республикасынын Жогорку Кеңешинин Бюджет жана финансы боюнча комитетинин төрагасынын орун басары.

2010-2015-жылдары Кыргыз Республикасынын  Жогорку Кеңешинин V чакырылыштагы депутаты. 2010-2012-жылдары Кыргыз Республикасынын Жогорку Кеңешинин Экономика жана фискалдык саясат боюнча комитетинин төрагасы, ал эми 2012-2013-жылдары “Республика” фракциясынын лидери.

2015-жылдын 4-октябрында “Бир Бол” мамлекеттик биримдик жана мекенчилдик саясий партиясынын тизмеси боюнча VI чакырылыштагы Кыргыз Республикасынын  Жогорку Кеңешинин депутаттыгына шайланган, “Бир Бол” фракциясынын лидери.

Кыргыз Республикасынын Ардак грамотасы (2009-ж.), КМШга мүчө мамлекеттердин Парламенттер аралык Ассамблеясынын (2010-ж.) жана Кыргыз Республикасынын Жогорку Кеңешинин Ардак грамоталары (2010-ж.) менен сыйланган. 2017-ж Кыргыз Республикасынын Мамлекеттик «Достук» ордени менен сыйланган.

Мамлекеттик кызматтын 3-класстагы мамлекеттик кеңешчиси.

Үй-бүлөлүү, төрт баланын атасы.