Кыргызстандын ичинде мелдештерге, машыгууларга катышуу үчүн спортчулардын тамак ашына 89 сомдон 103 сомго чейин акча бөлүнөт. Аталган тариф 2008-жылы бекитилип, ушул убакка чейин өзгөрө элек. Бүгүнкү күндө нандын баасы канча экени баарына эле белгилүү. Жогорудагы бөлүнгөн акча спортчулардын тамактануусуна жетеби? Буга мамлекет көңүл буруп, каржылоону көбөйтүү керектиги парламент жыйынында айтылды.